आठौं स्थापना दिवस सम्पन्न
गोरखाको हरमटारीमा रहेको श्री सिद्धि गणेश बचत तथा ऋण सहकारी संस्था लि. ले आफ्नो आठौं स्थापना दिवस मनाएको छ । स्थापना दिवस कार्यक्रममा संस्थाको अध्यक्ष, जिल्ला समन्वय समिति उप प्रमुख जनुका अधिकारी, उपाध्यक्ष रामबाबु जोशी लगायतले संस्थामा आबद्ध शेयर सदस्यहरुलाई संस्था र सदस्य स्वयम्को आर्थिक मेरुदण्ड मजबुत राख्नको लागी नियमित रुपमा बचतमा सहभागी हुनु पर्नेमा जोड दिनु भएको थियो । स्थापना दिवसको अवसर पारेर संस्थाले बिभिन्न सामाजिक क्षेत्रमा सहयोग गर्ने क्रममा यसबर्ष पनि सहयोग हस्तान्तरण गर्दैछ । यसअघि संस्थाले सातौं स्थापना दिवसको अवसरमा संस्थाले मोवाईल पासबुक एप लन्च गरेको थियो । हाललाई एन्ड्रोईड भर्सनमा यो एप्लिकेसन उपलब्ध रहेको छ । सदस्यहरुले यो एप्सको प्रयोग गरी आफ्नो बचत तथा ऋणको स्टेटमेन्ट लगायत सम्पुर्ण खातामा भएको मौज्दातहरु घरमै बसेर हेर्न सक्नेछन् । साथै खातामा रकम राखेको र झिकेको पनि नोटिफिकेसन मार्फत जानकारी आउनेछ । यो सेवा ईन्टरनेटबाट चल्ने भएकोले संसारको जुनसुकै स्थानबाट पनि प्रयोग गर्न सकिनेछ ।
Posted By :- Administrator, Thursday, January 17, 2019 4:58 AM